स्वागत छ सबै राता गुलाफहरूलाई हार्दिक स्वागत छ मेरो कोठामा विन्ती छ भित्र पस, बस वा जाऊ तर आफ्नो छालाबाट बहन नदेऊ ।
उठ्न देऊ त्यसलाई तिम्रो रगतबाट ।
म चाहन्छु पैदा गर्न शहीदहरूको सुगन्ध
सबै दुर्गन्धबाट जोगिन । ए… शुभचिन्तकहरू हो ! काँडे गुलाफ टिपेर आफ्ना कोटमा नसिउर ।
नगर गुलाफको हत्या कसैले पनि हत्केलामा तिनलाई किचिमिचि पारेर । ती त सम्मिश्रण हुन् रगत र सुवासका ती त सम्मिश्रण हुन् रगत र अभिलाषाका । (अंग्रेजीबाट अनुवाद: खगेन्द्र संग्रौला)
